01 Принципи и закони
Закони за развигорци
- Развигорецот е добар пријател, храбар и чесен.
- Развигорецот ги почитува своите родители и постарите.
- Развигорецот добро учи, вреден е и несебичен.
02 Принципи и закони
Извиднички закони
- На извидникот му е чест да му веруваат.
- Извидникот е корисен.
- Извидникот е добар другар.
- Извидникот е учтив.
- Извидникот е оптимист.
- Извидникот е верен и одговорен.
- Извидникот постојано учи и ги применува своите знаења.
- Извидникот ја цени природата.
- Извидникот ги цени и развива духовните и културните вредности.
- Извидникот е чесен во мислите, зборовите и делата.
03 Принципи и закони
Принципи на извидниците:
- Обврска кон себе
- Обврска кон другите
- Обврска кон духовен развој
ОБЕЛЕЖЈА НА ИЗВИДНИЦИТЕ
ФЕНИКС
Главни обележја на извидниците се извидничката марама и извидничката униформа. Извидничката марама е различна за секој одред, а постои и национална марама. Секоја организација има свој амблем, па така и извидниците:
01 Обележја на извидниците
Амблем на Светската организација на извидничкото движење (WOSM)
- Кружното јаже го симболизира семејството на Светското извидничко движење.
- Јазолот (амбулантен) е симбол на силата и единството на извидниците, бидејќи не може да се растури од надворешноста, само од внатре.
- Трите лисја на лилјановиот цвет ги претставувааттрите принципи.
- Двете петокраки ѕвезди ги претставуваат вистината на знаењето, но и двете ѕвезди Деница и Северница, а нивните десет краци ги симболизираат десетте закони на извидниците.
- Белата боја ја означува чистотата на извидниците, а виолетовата боја службата и лидерството.
02 Обележја на извидниците
Амблемот на Сојузот на извидници на Македонија (СИМ)
ги има истите значења.
- Зелениот лист е јаворов, бидејќи извидниците се многубројни како и лисјата на јаворот
- Црвената и жолтата боја се национални бои
- Жолтата игла ја претставува магнетната игла од бусолата
03 Обележја на извидниците
Лого на ИО Феникс
- Заштитни бои на нашиот одред се зелената, портокаловата и темно сината.
- Зелената боја ја симболизира природата
- Портокаловата сонцето и фениксот
- Сината боја го симболизира небото и водите
04 Обележја на извидниците
Приказната за Трибрид
⚜️ Трите фениксови симболики, споени во едно обележје - нашата извидничка марама.
- 🌊 Вода = ЖИВОТ, за значењето на извидништвото во животот на членовите.
- 🔥 Оган = ФЕНИКС, за преродбата и издигнувањето од пепелта, за логорските огништа и нивната топлина.
- ⛰️ Земја = ПРИРОДА, за сите добри дела за планетата Земја, за духовноста, за достигнување на сите планиниски или животни врвови.
Три, а едно.
Еден, тимот на ИО Феникс
05 Обележја на извидниците
Извидничко мото
БИДИ ПОДГОТВЕН – според Баден Пауел, основачот на извидништвото, значењето на мотото е дека извидникот секогаш треба да биде подготвен со претходно обмислување и претпоставка на работите и да вежба како би реагирал кога би се случило нешто неочекувано. На тој начин тој никогаш нема да биде изненаден и ќе биде подготвен.
Извиднички Одред Феникс – Прилеп
е организација која претставува доброволно, воспитно-едукативно, непрофитно, неполитичко и самостојно здружение на граѓани за деца и млади, отворено за сите, без разлика на нивната верска, национална, етничка, полова и расна припадност.